موضوع: مقدرش أوعدك...

مقدرش أوعدك
أفرح غير معاك
أو أطير غير في سماك
أو أحلم غير بهواك
أو أعرف يوم أنساك

مقدرش
أعيش من غير حياتي
وأنسف أحلي ذكرياتي
وأعيش في الحزن باقي أوقاتي

دا أنت لما تيجي جنبي وتعدّي
كأن أجمل وردة باست نسمة معدّية
وتتولد الدنيا تاني بلون وردي
وأقول دا حبيبي دا بتاعي دا بس ليّا

دي ضحكتي بتتولد بصوت خطوتك وأنت عليّا جاي
وأقعد سنين سرحان فيك وأستغرب الوقت عدّي إزاي

وقول عليا حبيبي اللي تقوله
قول ضعيف قول مجنون
قول بيحلم وحلمه مش هايطوله

ومش عارف يرضيك أيه
أكون ضعيف قدامك قوي ومكتوب عليّا قابل للكسر
ولّا مجنون حفيان ومنكوش وأقول ملك وعايش في قصر

بس تعالي كام لحظة
ساعتها بوعدك
أعيش عشان أسعدك
ولا يوم عنّي أبعدك
ولو وقعت أنا أسندك

لكن تقوللي
تسيبني
وأدوّر علي غيرك
سامحني
مقدرش أوعدك..........

» موضوع: اسف يا حبيبتى
» موضوع: لن تستطيع
» موضوع: سهران
» موضوع: العاشقان
» موضوع ليس للقراءة فقط