يمه هالولد احبه
يُمه ... هَيّن ...!!الهوى بعيون بنتك صار بيّن ...
ما يبي له من يعَلم ...!!وصاحبي بالعشق أُستاذ ومُعَلِم
كيف اخبي ...؟!إنتي من جِدك يا يُمه ...؟!
وانا بنوته
وقلبي وردي ... وصغَـيّر ... ولَيّن
ايه احبه ...!!
يعني هذا اللي تبينّ ...؟!
كيف اخبي وهذا دربي ...؟!والهوى مكتوب من ربك وربي
يوم شفته
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!يُمه جنني بـ حنانه
ما يخون
الهوى عنده امانه ..
وريحة انفاسه دخــــون}}
مو طبيعي هالـولد من جد يُمه
فيه ذوق ... وفيه شوق ... وفيه للعشاق عوق
يُمه يسلم لك حبـــيبك
والله نَسَاني حلـــــــيبك
أي ورب الكـــــون يُمه
يُمه لو تدرين عنه ...
قلتي لي فالك حبيــبك
ايه احبه
ايه يمه
ايه اموت برعشة شفاهه واذا يسمح الَّـمّه
سامحيني لو حلفت إني لَـ " لِـمّه "
مو بكيفي
وضحكته خمري ... وكيفي
مو طبيعي
هالـولد عمــــــري وربيعي
وفوق هذا صار شاعر ...
والله فعلاً مو طبيعي
إن عشق كله جنـــــون
وإن حكى كله فـــــنون ...
على راسي ما يــــــهون
إيه يُـــــــمه
إيه احبه
واعصر ضلوعه واضمه
وانتشي من ريحة انفاسه ... " واذا يسمح اشمه"
خلى لعيوني كثير من البنات ... على شاني
خلى نورة وخلى لمياء وخلى خولة
ايه يُمه
وخلى اسماء بنت خاله ...
وخلى سارة بنت عمه
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يُمه ...؟!وآنا اراه إنه غــرامي ... وهـــو بعد مثلي يراني ...
إلا احــــــــبه
إلا احــــــبه
إلا احــــبه
واللي ما يسمعني يسمع ... إلا احبه
واعشق تــــرابه اذا داســــه برجلــه
قال لي مَرة اناظر ...قلت حاضر
يا الله ناظر
يوم ناظرني بكيت ""
ما تحملت الهوى بعيونه السوداء
وشكيت
قال يسلم لي وفاك ...
قلبي قلبك ... وبيتي بيتك ...
لعن ابو من خان عـــــــشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنـــــك وخذ دفـــاكـ..
وإن خطـــــبني لا تردونه يا يُمه ...آنا ابيه
قولي ( تم )لا تخلين العُمر يمشي الم
ها يا يُمه ...؟!
قولي ( تــــــــم )
ان شاء الله يكوون عجبكم
تحياتى
منقوووووووووووول
السبت سبتمبر 27, 2008 3:06 pm
